- Մարտի 13, 2026
- Կատեգորիա Նորություններ
Մարտի 12-ին Հայաստանի ՄՌ Ասոցիացիան հանդիպում ունեցավ Center for International Private Enterprise (CIPE) կազմակերպության ներկայացուցիչների՝ Program Manager Maya Eristavi-ի և Program Officer Kristine Arzakanyan-ի հետ։
Հանդիպումը կայացավ CIPE ծրագրի շրջանակում իրականացվող կազմակերպական Diagnostic Assessment գործընթացի շուրջ, որի նպատակն է գնահատել կազմակերպության կառավարման համակարգերը, գործունեության արդյունավետությունը և զարգացման հնարավոր ուղղությունները։
Հանդիպումը անցավ շատ բովանդակալից, կառուցողական և արդյունավետ մթնոլորտում։ Քննարկման ընթացքում Հայաստանի ՄՌ Ասոցիացիայի նախագահ Արփի Կարապետյանը ներկայացրեց կազմակերպության տարեկան գործունեության հաշվետվությունը, առաջիկա երեք տարիների ռազմավարական զարգացման հիմնական առաջնահերթությունները, իրականացվող և նախագծվող ծրագրերը և այլն։
Շնորհակալություն ենք հայտնում գործընկերներին բովանդակալից քննարկման, խորքային հարցադրումների և մասնագիտական մոտեցման համար։ Համոզված ենք, որ այս գործընթացը կարևոր ներդրում կունենա Ասոցիացիայի ինստիտուցիոնալ զարգացման և միջազգային համագործակցության ամրապնդման գործում։