հայrate – գրավիչ գործատուների մրցանակաբաշխություն
- Դեկտեմբերի 15, 2022
- 18:30 - 20:30
- Holiday Inn Yerevan - Republic Square
- +37433584696
«հայrate» ծրագիրը գործատուների վարկանիշի հետազոտություն է։
Հայաստանի ՄՌ Ասոցիացիան և Գրանթ Թորնթոն Հայաստան ընկերությունը համատեղ նախաձեռնել են «հայrate» ծրագիրը, որը միտված է բացահայտելու ուսանողների կարծիքով հայաստանյան շուկայի գրավիչ գործատուներին:
Գործատուի բրենդավորման հիմնախնդիրը բիզնես աշխարհում լայն քննարկման առարկա դարձած թեմաներից է։ Գրագետ մշակված բրենդավորումը կարևոր դեր է խաղում ընկերությանն անհրաժեշտ երիտասարդ տաղանդների ներգրավման, ինչպես նաև աշխատաշուկայում բարձր հեղինակություն ունենալու հարցում: Շատ կարևոր է, որ հայաստանյան գործատուները ևս շարունակաբար զարգանան և աշխատեն իրենց վարկանիշի վրա:
Նմանօրինակ նախաձեռնությունները կարևոր են թե՛ ուսանողության պատկերացումների արտացոլման և կարծիքի արտահայտման տեսանկյունից, և թե՛ գործատուների՝ երիտասարդության, որպես Հայաստանի աշխատաշուկայի վաղվա օրվա ներկայացուցիչների, հանդեպ առավել ճկուն, խրախուսիչ և ընդգրկուն գործելակերպի ձևավորման համար։
Միջոցառման ժամանակ ամփոփ կներկայացվեն հետազոտության արդյունքները, ինչպես նաև սպասվում են անակնկալներ:
Մուտքն ազատ է: