Ինչո՞ւ է անհրաժեշտ վերաձևակերպել։ Ինչո՞ւ է այն շարունակաբար դառնում չափազանց կարևոր, հատկապես աշխատավայրում։ Մի կողմ դնելով ակնհայտորեն շիտակ լինելը և մեր արձագանքները անմիջապես արտահայտելը, առաջարկում եմ երկու անգամ մտածել իրական ժամանակի հաղորդակցության մեջ և ձևակերպել նույն գաղափարը, բայց այս անգամ ավելի դիվանագիտորեն։ Այս հոդվածը կներառի կիրառման համար նախատեսված գործնական խորհուրդների շարք։
Աշխատավայրում հաղորդակցության խորհուրդ
Երբ շահագրգիռ կողմերի հետ շփվում ենք առավելագույն արդյունավետությամբ, մենք պետք է հիշենք այս 3 կետերը, որոնք համատեղ կիրառում ենք.
– մեր տեսակետը ներկայացնելը,
– ամբողջ ընթացքում քաղաքավարի մնալը
– գործերը առաջնորդել այնպես, ինչպես մենք ակնկալում ենք և ինչպես մեզ է հարկավոր
Խուսափել «մատնացույց անել»
Խոսելիս, վեկտորը «դուք/դու»-ից ձեր ուղղությամբ փոխելու ռացիոնալ առաջարկից հետո, դուք անմիջապես կստանաք այսպիսի արդյունք.
- շահագրգիռ կողմը չի նյարդայնանում/ջղաձգվում
- շահագրգիռ կողմը հասկանում է, թե ինչ պետք է անի/պարզաբանի/առաջարկի…
Համաձայն չլինելու արվեստը
Սույն հոդվածում խորհուրդ է տրվում իրադրության ընկալում ցուցաբերել, նույնիսկ երբ համաձայն չեք։ Ինչո՞ւ։
Իրականությունն այն է, որ ամենից հաճախ առաջին բառը կամ արտահայտությունը, որով դուք սկսում եք համորդակցվել, ապահովում է ամբողջ զրույցի ընթացքի հետագա տրամադրությունը և, նույնիսկ կասեի՝ արդյունքը։
Դրական բառերի օգտագործման ազդեցությունը
Հատկապես աշխատանքային միջավայրում դուք կարող եք ասել այն, ինչ մտադիր եք, միայն ձևակերպել գաղափարը դրական բառերով՝ բառացիորեն «վատ»-ը փոխարինելով «ոչ այդքան լավ»-ով։
Կիրառեք բացասական պնդումների փոփոխության տրամաբանությունը, այն մարդիկ, ովքեր նախադասության մեջ լսում են «վատ/ անհաջող» բառը, չեն կենտրոնանում ընդհանուր իմաստի և այսպես կոչված «տնային աշխատանքի» վրա, որը պետք է անեն համատեքստում։
Կախարդական բառը
Այսպիսով, ո՞րն է, ըստ ձեզ, ԿԱԽԱՐԴԱԿԱՆ բառը։ Սկսեք «ներողություն/ կներեք»-ով, նույնիսկ եթե ակնհայտորեն ձեր մեղքը չէ, և դուք իրկանում չեք խնդրում ներողություն որևէ հստակ արարքի համաև։ Ընտրեք այս խորամանկ բառը։
Մեղմացնող բառերի ազդեցությունը
Աշխատանքում դիվանագիտական արտահայտություններ ձևակերպելու համար խորհուրդ է տրվում նաև օգտագործել մեղմացնող բառեր։ Մեղմացնողները նման են հացի վրա կարագի՝ դրանք շերտ են ավելացնում, բայց ձեր գաղափարի ներկայացումն ավելի սահուն են փոխանցում։ Այո, կարագը ծավալ է ավելացնում, այս դեպքում դա արդարացված է, քանի որ երբեմն ԿԱՐՃԸ ՍՈՒՐ է։ Մեղմացնողները հաճախ ավելացվում են ավելի ֆիլտրացված մանրամասներ ցույց տալու համար։
Հարցնելու արվեստը։
Ասում են՝ խելացիորեն ձևակերպված խնդրանքը կարճ ճանապարհ է տանում դեպի ցանկալի լուծումը։
Երբ ձևակերպում եք խնդրանք, ակնարկեք այն ուղղությունը, որով կցանկանայիք, որ խնդիրը լուծվի՝ շատ դիվանագիտորեն ակնարկելով, թե ինչպես պետք է գնալ ձեր նախընտրած ուղով։
Վերջում՝ ոչ պակաս կարևորի մասին․ հիշելու մի քանի կանոններ՝
– Առանց մեղադրելու հարցադրում անելը, խոսելը պետք է լինի աշխատավայրում հաղորդակցության ոսկե կանոն։
– Բողոքներին արձագանքելիս՝ մի մոռացեք կարեկցանք և հասկացողություն ցուցաբերել։
– Հրաժարվեք օգնությունից առանց բուն մերժման վրա կենտրոնանալու, դա կլինի սահմաններ դնելու քաղաքավարի միջոց՝ որպես կողմնակի ազդեցություն։
– Փոխարինեք մերժումը առաջարկով (ինչու՞ չէ)։ HR մասնագետները հիանալի գիտեն, թե ինչպես դա անել։
Հոդվածի հեղինակ` Դիանա Հարությունյան
DisruptHR Երևան 2025