Սա ոգեշնչող զարգացման ծրագիր է Հայաստանում բնակվող 13-17 տարեկան պատանիների համար, որոնք ի վիճակի չեն ներդրում կատարել իրենց զարգացման մեջ և հասնել իրենց ողջ ներուժին սոցիալապես խոցելի լինելու բերումով: Ծրագիրն ունի ինքնաբացահայտման դժվարին ճանապարհով անցնելու և շոշափելի նպատակներ դնելու գործում պատանիներին օգնելու նպատակ:

Ինքնազարգացման ծրագիրը 18-ժամյա այլընտրանքային լուծում է կարիերայի կողմնորոշման համար։ Այն ստեղծում է միջավայր, որտեղ պատանիներն իրենց իրական ներուժը բացահայտելու հնարավորություն ունեն: Մասնակիցները կկարողանան խորանալ դեպի իրենց ներաշխարհ իրենց ցանկություններն ու նպատակները հասկանալու համար:

Մեր ուսումնասիրությունների համաձայն, Հայաստանում ուսանողներն այնքան էլ գոհ չեն իրենց մասնագիտական ընտրությունից. ավելին, բակալավրիատի 4-րդ կուրսում մեծ մասն իր ընտրության ճիշտ լինելու վերաբերյալ կասկածներ ունի։ Մեկ այլ հետազոտություն ցույց է տալիս, որ Հայաստանում երիտասարդության գրեթե 50%-ի աշխատանքը չի համապատասխանում իրենց կրթական մակարդակին։ Հիմնական պատճառը անձնական ցանկությունների, հետաքրքրությունների, հնարավորությունների գիտակցվածության պակասն է։ Մենք նպատակ ունենք լուծել այս խնդիրը՝ բացահայտելով պատանիների ողջ ներուժը: