Փետրվարի 5-ին FB Live միացմամբ կզրուցենք PicsArt Armenia ընկերության ֆինանսական տվյալագետ Տաթև Հարությունյանի հետ, որը կխոսի տվյալագիտության և մասնագիտության փոխակերպման հնարավոր միտումներ մասին։

Քննարկվելու են հետևյալ հարցերը․

• Ի՞նչ պետք է սովորեն տվյալագետները
• Որո՞նք են այս մասնագիտության համար ամենից կարևոր հմտությունները։
• Ի՞նչ սպասել ապագայում:

Տաթևը արդյունքերի վրա հիմնված Տվյալների վերլուծաբան/Տվյալագետ է, ով մոտ 14 տարի է զբաղվում է տվյալների ստացմամբ, վերլուծությամբ եւ պլանավորմամբ Ֆինանսական/Ապահովագրական, այնոււհետեւ նաեւ ՏՏ ոլորտտներոււմ։

Տաթևը սկսել է իր մասնագիտական ուղին որպես ակտուար-փորձագետ Կենսաթոշակային հիմնադրամում, այնուհետեւ աշխատել է սկզբում Կասկադ, այնուհետեւ Ռեսո ապահովագրական ընկերություններում՝ որպես Պատասխանատու ակտուար, Ֆինանսական վերլուծությունների, պլանավորման եւ բիզնես պրոցեսների դեպարտամենտի ղեկավար։ Այժմ նա աշխատում է Պիկսարտ ընկերությունում որպես Տվյալագետ Ֆինանսներ բաժնում։

Ամուսնու հետ միասին հիմնադրել են Նահապետ Բրենդի Քոմփանին իր Kensatu Brandy ապրանքանիշով, որը հանդիսանում է հայկական պրեմիում դասի մրգային բրենդիների արտադրություն։

Զրույցը կվարի Արփի Կարապետյանը (www.arpikarapetyan.com), լեզուն` հայերեն: