Հուլիսի 10-ին FB LIVE միացմամբ կզրուցենք ԷՎԻՆՈՔՍ ընկերության համահիմնադիր Աշոտ Սարգսյանի հետ թրեյնինգի և մասնագիտության փոխակերպման հնարավոր միտումների մասին։

Քննարկվելու են հետևյալ հարցերը.

• Ի՞նչ պետք է սովորեն թրեյներները:
• Որո՞նք են թրեյներների համար ամենից կարևոր հմտությունները:
• Ի՞նչ ռազմավարություն է պետք որդեգրել համավարակի ավարտից հետո և ի՞նչ սպասել:
• Ի՞նչ հմտություններ է պետք զարգացնել ներկայիս միտումներին համապատասխանելու համար:

Աշոտ Սարգսյանը հավատացած է, որ հնարավոր է ստեղծել ներգրավված, բարձրակարգ մշակույթով թիմեր, որոնք ապահովում են գերազանց արդյունք:
Շարունակական զարգացումը, բացահայտումները, վերլուծությունները և ստացված արդյունքների նորովի կիրառելու, հարմարեցնելու ձգտումը նրան բնութագրող հատկանիշներ են:

Նա հավատում է տաղանդների զարգացման ուժին և վստահ է, որ նրանց ջանքերը բիզնեսի ռազմավարությանն ուղղելը ժամանակակից բիզնես միջավայրի համար հիմնական տարբերակիչ հատկանիշներից է:
Որպես ուսուցման և զարգացման փորձագետ, ունի ուսուցման բաժինների, ծրագրերի և գործընթացների նախագծման, կառավարման 11+ տարվա փորձ:
Նրա գործունեության և հետաքրքրությունների շրջանակը լայն է և ներառում է ուսուցման և զարգացման ծրագրերի նախագծումը, կատարողականի բարելավումը, ուսուցման տեխնոլոգիաները, ուսուցման արդյունքների գնահատումը, վարապատրաստման ծրագրերի կառավարումը, տաղանդների ինտեգրված կառավարումը, գիտելիքների կառավարումը: