OpenUP-ի 2-րդ էպիզոդում ապրիլի 10-ին Արփի Կարապետյանը կհյուրընկալի «Ամերիա» խորհրդատվական ընկերության Գործընկեր և Կառավարման Խորհրդատվական ծառայության տնօրեն Տիգրան Ջրբաշյանին: Իր բնագավառում ունենալով ավելի քան 25 տարվա փորձ՝ Տիգրան Ջրբաշյանը ռազմավարական խորհրդատվության, ոլորտային բարեփոխումների, ինստիտուցիոնալ կարողությունների զարգացման առաջատար փորձագետ է: Իր գործունեության ընթացքում նա մշակել է սոցիալական տարբեր հատվածների բարեփոխումների ռազմավարություններ, նախաձեռնել է քննարկումներ դեմոգրաֆիայի և զբաղվածության ռազմավարական փաստաթղթերի շուրջ։

Այսպիսով, այս անգամ արդեն Տիգրան Ջրբաշյանի հետ, ունենալու ենք զրույց, որի ընթացքում տարբեր վարժությունների, հարցերի և խաղերի օգնությամբ բոլորս միասին փորձելու ենք բացահայտել նրա անձի բազմաշերտ և գեղեցիկ էությունը իր բոլոր դրսևորումների մեջ:

Եղե՛ք պատրաստ բաց լինելու և ինքնարտացոլում կատարելու:

️Դե ինչ, հիշե՛ք Episode 2-ի ամսաթիվը. ապրիլի 10, 18:30 | Hard Rock Café Երևան

Տեղերը սահմանափակ են, շտապե՛ք շուտ ամրագրել Ձեր տոմսը:

Ձեզ հետաքրքի՞ր է ինքնաբացահայտման աշխարհը: Միացե՛ք մեր յուրօրինակ հանրային միջոցառմանը և եկեք OpenUP, որը բացահայտում է մարդկության գեղեցիկ բազմազանությունը և ընդգծում զարմանալի նմանություններ:

Ուզու՞մ եք անցնել գրավիչ ճանապարհով դեպի ձեր “ես”–ը: OpenUP-ը եզակի ծրագիր է, որը քոուչինգի, խաղերի, անմիջական մթնոլորտի և դրական տրամադրության ձևաչափով ընկղմվում է մարդու տարբեր դերերի, պատմությունների, զգացմունքների, վախերի, ձգտումների և բազմաթիվ այլ հետաքրքիր ոլորտների մեջ՝ փորձելով բացահայտել անձի բազմաշերտ էությունը իր բոլոր դրսևորումների մեջ:

Երբևէ մտածե՞լ եք թե ինչպես են ձեզ ընկալում ուրիշները։ Եկեք մտածենք միասին: Ականատես դարձեք մտածելու տեղիք տվող զրույցին մեր հատուկ հյուրերի հետ, մասնակցե՛ք և բացահայտե՛ք նաև հետաքրքիր բաներ ձեր մասին։