OpenUP-ի 3-րդ էպիզոդում հունիսի 20-ին Արփի Կարապետյանը կհյուրընկալի ՎՕԼՕ ընկերության համահիմնադիր ու տնօրեն Արմեն Քոչարյանին: Վերջին 18 տարիների ընթացքում Արմենը կազմակերպությունն իր առաջին քայլերից հասցրել է կանոնավոր կերպով աճող միջազգային հաստատության մակարդակի, որն իր հաճախորդներին ապահովում է նորարարական և հուսալի ծրագրային լուծումներով։
2019թ․-ից Արմեն Քոչարյանն առաջնորդել է Raiser համակարգի՝ ՄՌ կառավարման համար նախատեսված հարթակի ստեղծումը, որն այժմ օգտագործվում է ոչ միայն ՎՕԼՕ-ի, այլև հայկական և միջազգային մի շարք կազմակերպությունների կողմից։

Այսպիսով, այս անգամ արդեն Արմեն Քոչարյանի հետ, ունենալու ենք զրույց, որի ընթացքում տարբեր վարժությունների, հարցերի և խաղերի օգնությամբ բոլորս միասին փորձելու ենք բացահայտել նրա անձի բազմաշերտ և գեղեցիկ էությունը իր բոլոր դրսևորումների մեջ:

Եղե՛ք պատրաստ բաց լինելու և ինքնարտացոլում կատարելու:

️Դե ինչ, հիշե՛ք Episode 3-ի ամսաթիվը. հունիսի 20, 18:30

Տեղերը սահմանափակ են, շտապե՛ք շուտ ամրագրել Ձեր տոմսը:

Ձեզ հետաքրքի՞ր է ինքնաբացահայտման աշխարհը: Միացե՛ք մեր յուրօրինակ հանրային միջոցառմանը և եկեք OpenUP, որը բացահայտում է մարդկության գեղեցիկ բազմազանությունը և ընդգծում զարմանալի նմանություններ:

Ուզու՞մ եք անցնել գրավիչ ճանապարհով դեպի ձեր “ես”–ը: OpenUP-ը եզակի ծրագիր է, որը քոուչինգի, խաղերի, անմիջական մթնոլորտի և դրական տրամադրության ձևաչափով ընկղմվում է մարդու տարբեր դերերի, պատմությունների, զգացմունքների, վախերի, ձգտումների և բազմաթիվ այլ հետաքրքիր ոլորտների մեջ՝ փորձելով բացահայտել անձի բազմաշերտ էությունը իր բոլոր դրսևորումների մեջ:

Երբևէ մտածե՞լ եք թե ինչպես են ձեզ ընկալում ուրիշները։ Եկեք մտածենք միասին: Ականատես դարձեք մտածելու տեղիք տվող զրույցին մեր հատուկ հյուրերի հետ, մասնակցե՛ք և բացահայտե՛ք նաև հետաքրքիր բաներ ձեր մասին։