Հայաստանի ՄՌ Ասոցիացիան հայտարարում է «Psychology in HR» վարպետաց դասերի շարքի մեկնարկի մասին: Նպատակն է HR մասնագետներին զինել, տալ այն գործնական հոգեբանական գործիքները, որոնք կնպաստեն ինչպես խորքային ինքնաճանաչողությանը, այնպես էլ թույլ կտան  ավելի խորությամբ բացահայտել այլ մարդու վարքը, մոտիվացիան, կառուցել արդյունավետ հաղորդակցում և տևական հարաբերություններ։

Սեպտեմբերի 18-ին Հայաստանի ՄՌ Ասոցիացիայում տեղի կունենա «Psychology in HR» շարքի հետաքրքիր և շատ կիրառական առաջին հանդիպումը MindSkill training academy հիմնադիր Սեդա Վարդանյանի հետ «Ինչպե՞ս արդյունավետ հաղորդակցվել «ոչ հեշտ» մարդկանց հետ» թեմայով։

HR մասնագետն ամենահաճախն է հաղորդակցվում տարբեր մարդկանց հետ, իսկ «ոչ հեշտ» մարդկանց հետ հաղորդակցման մարտավարությունների իմացությունը կարող է էապես բարձրացնել աշխատանքի արդունավետությունը։

Վարպետաց դասին միասին կանդրադառնանք՝

• Ովքե՞ր են հաղորդակցման մեջ «Ոչ հեշտ» մարդիկ։ Երբ հաղորդակցումը բարդ է:
• «Ոչ հեշտ մարդկանց» մի քանի տիպեր և հաղորդակցման մարտավարություններ:
• Ինքնաճանաչողության դերը «Ոչ հեշտ» մարդու հետ հաղորդակցվելիս:
• «Ոչ հեշտ» մարդկանց ամեն տիպի հետ արդյունավետ հաղորդակցմական մարտավարության մարզում:

Վարպետաց դասի իտերակտիվ հատվածում կունենանք քեյսի վերլուծություն, դերային խաղ:

Սեդա Վարդանյանը MindSkill training academy հիմնադիրն է, հոգեբան, փափուկ հմտությունների թրեյներ, հոգեբանական գիտությունների թեկնածու 15 տարվա փորձառությամբ, ում թրեյնինգներին մասնակցել են 2000-ից ավել մարդ։

Լեզուն՝ հայերեն

Առաջնահերթությունը տրվելու է ՄՌ Ասոցիացիայի անդամներին

Հայաստանի ՄՌ Ասոցիացիայի «1, 2, 3 Աստղ» անդամների համար մուտքն անվճար է
Ոչ անդամների համար մասնակցության վճարը կազմում է 8000 ՀՀ դրամ: