OpenUP-ը վերադառնում է
Նոր ձևաչափով։ Ավելի բաց։ Ավելի անկեղծ։ Ավելի խորքային։

Այս անգամ մասնագիտական ՄՌ համայնքի համար։

HR OpenUP-ը ներգրավվածության, համատեղ մտածելու, հարցադրելու և փորձը վերաիմաստավորելու միջավայր է, որտեղ յուրաքանչյուր ներկա անձ դառնում է քննարկման ակտիվ մասնակից։ Արփի Կարապետյանի հետ միասին կանդրադառնանք HR ոլորտի արդիական թեմաներին՝ դիտարկելով դրանք տարբեր տեսանկյուններից, բացահայտելով դրանց իրական ազդեցությունն ու ժամանակակից տենդենցները։

Առաջին հանդիպման թեման՝ Մոտիվացիա

Ի՞նչն է այսօր, իրականում, մոտիվացնում աշխատողներին, և դեպի ուր է գնում ժամանակակից աշխարհը։ Արդյո՞ք մոտիվացիան կառավարվող գործընթաց է, թե՞ այն ձևավորվում է միջավայրի, արժեքների և առաջնորդության խաչմերուկում։ Ինչպե՞ս են փոխվում մոտիվացիայի գործիքներն ու մոտեցումները ժամանակի հետ։

Հանդիպման ընթացքում Արփի Կարապետյանը հարց ու պատասխանի, ուղղորդված քննարկումների և ինտերակտիվ մեթոդների միջոցով կբացի թեման՝ ներգրավելով բոլոր ներկաներին և ձևավորելով բազմակողմանի, խորքային և կիրառելի վերլուծություն։

Այս ձևաչափում դիտորդներ չկան․ կան մարդիկ, ովքեր մտածում են, կիսվում, հարցնում և վերանայում իրենց մոտեցումները։

Եթե ցանկանում եք լինել միջավայրում, որտեղ խոսակցությունը ձևավորվում է հենց ձեր մասնակցությամբ, իսկ յուրաքանչյուր միտք կարող է դառնալ նոր դիտանկյուն, ապա այս հանդիպումը ձեզ համար է։

ՈւՇԱԴՐՈՒԹՅՈ՛ՒՆ

• Տեղերը սահմանափակ են՝ 25 մասնակից
• ️Նախապատվությունը տրվելու է Հայաստանի ՄՌ Ասոցիացիայի անդամներին
• Հայաստանի ՄՌ Ասոցիացիայի «1, 2, 3 Աստղ» անդամների համար մուտքն անվճար է
• Ոչ անդամների համար մասնակցության վճարը կազմում է 8000 ՀՀ դրամ