Ամբողջ աշխարհում բավականին արդիական դարձած մտավոր առողջության թեման այսօր բազմաթիվ քննարկումների և հետազոտությունների առարկա է, որի բարելավմանն ուղղված զանազան ծրագրեր են մշակվում և ներդրվում։ Ինչու՞ է կարևոր աշխատանքային միջավայրում մտավոր առողջության պահպանմանն ուղղված քայլեր անելը, ի՞նչ մարտահրավերներ կան ՄՌ մասնագետների առջև: Եկեք քննարկենք՝ ինչպես չափել և գնահատել մեր աշխատակիցների մտավոր առողջությունը և ինչպիսի մոտեցումներ մշակել՝ աշխատավայրում առողջ մթնոլորտ և արդյունավետ աշխատակիցներ ունենալու համար։

Վարպետաց դասը կվարի Հայաստանի ՄՌ Ասոցիացիայի անդամ Զառա Գալստյանը: Նրա արդեն 11 տարվա ՄՌ աշխատանքային փորձը ներառում է աշխատանք տարբեր ոլորտներում՝ ՏՏ, տուրիզմ, լոգիստիկա, ներմուծող ընկերություններ։ Ներկայումս մատուցում է ՄՌ խորհրդատվություն հայկական և արտասահմանյան ընկերություններին և հանդիսանում է AI-ով աշխատող HireHire ընկերության ՄՌ և տաղանդների ներգրավման բիզնես գործընկերը։

Հայաստանի ՄՌ Ասոցիացիայի «1, 2, 3 Աստղ» անդամների համար մուտքն անվճար է:

Ոչ անդամների համար մասնակցության վճարը կազմում է 8000 ՀՀ դրամ:

Գրանցվեք ստորև.